魯振順爆為畀家用同女友Julie嘈大交：你係我「老母」梗係你養我
撰文：張嘉敏
出版：更新：
魯振順原定去年10月與43年前於歌唱比賽認識的女同學Julie結婚，並打算在主題樂園延開50席舉行盛大婚禮，豈料傳出二人情變。魯振順投訴女方佔有慾強，似足「老母」一樣，故打消結婚的念頭，繼續維持情侶關係。
魯振順今晚出席電影慈善場。（陳順禎攝）
今晚（26/9）魯振順單拖現身銅鑼灣出席電影慈善場。被問到為何不帶女友出席活動？他受訪時表示：「其實我自己嚟先，佢一陣自己趕嚟，不過我唔知佢嚟唔嚟得切。我而家唔係叫佢做女友，係叫佢做老母，我老母佢好煩，唔知仲乜成日咁慢，仲有成日問長問短好煩㗎。（佢係你老母，咁你有冇畀家用佢？）我而家就係同佢嘈緊畀家用呢個問題呀！我就同佢講，你係我老母梗係你養我，唔係我養佢嘛，加上又未去到呢個地步。不過最後我都有畀嘅，哈哈！」