趙希洛宣布離巢TVB後首現身　暫集中享受放假食好西

趙希洛今天（29日）性感現身澳門《夏永康 +853 澳門瞬間》主題攝影展，亦是她宣布離巢TVB後首次現身公開場合。她透露目前專注放假，暫時都未有工作計劃。

趙希洛講到剛剛與TVB完約處於自由身，屬於半放假狀態中：「我等一個假期都等咗比較耐，因為我自己一做嘢就好專心去做，呢個假期我都Plan咗好耐，所以我一完咗（合約）就同屋企人飛走咗。」坦言一直在外國，所以對完約沒有太大感覺。

問到之後的工作計劃，趙希洛表示有甚麼工作邀請就會接，電影、舞台劇或任何各方面都想嘗試。不過她就表示暫時沒有定限期何時再開工，笑言：「可能我放假放得太開心，已經準備嚟緊再放一放先，咩都做吓，食多啲嘢。」趙希洛又謂之前因工作要維持身材，所以藉住放假品嚐多點美食增肥，希望之後有瘦身公司邀請她拍廣告。