林寶玉未受阿儀影響心情　投資過百萬開舖：手袋加埋都過百萬

林寶玉最近因旗下藝人薛影儀（阿儀）而成為大家的話題，不過看來她未受阿儀事件有太大的影響，昨日她迎來自家品牌「寶玉堂」的開幕儀式，請來不少圈中朋友現身撐場，更有其在亞洲心動娛樂（AMM）的老闆賴彩雲主席。

今次開舖，林寶玉可以說是落足重本，她在接受《香港01》訪問時說：「今次個展示櫃，手袋加埋都過百萬，連埋裝修、儀器，都叫做數百萬，大家有興趣都可以上嚟睇睇個手袋展示櫃，都有有啲珍藏、特別啲嘅手袋，俾人做完美容之後可以欣賞吓、打吓卡。」

到底「寶玉堂」做甚麼？她解除原來是希望大家去到一個地方，可以得到身心靈的放鬆。「寶玉堂本來係美容院，今次我加入咗身心呢樣嘢，我覺得靚除咗外在，內在調理都好重要，今次加插咗按摩方面，除咗人手按摩，加入咗一啲能量元素，令到心靈同身體上都得到調節，所以我希望大家可以嚟試試，你要了解自己內心世界，點樣消除負能量，達至身心平衡。」林寶玉說。