賈曉晨擁樊少皇所有物業　自爆為面子被朋友呃都唔出聲

賈曉晨（JJ）與樊少皇於你2016年結婚後，減少幕前演出並專心相夫教女，早前她在活動上透露樊少皇所有在內地與香港的物業都在自己名下，並謂：「我嘅興趣就係賺咗錢買樓，因為我唔識做其他生意，所以覺得呢個穩陣啲，呢個都係佢唔離婚嘅好大原因。」

有樓揸手嘅JJ日前喺小紅書以「這幾年錢的總結教訓」為題，指自己無論係投資定借錢俾朋友，都有「唔熟唔呃」的感覺。JJ表示曾借錢予好友，9年間對方只係還過兩次錢，她既擔心對方經濟狀況，又因失錢而感到傷心。

文中，JJ亦提到就算再好嘅朋友，都盡量唔好合作做生意。「沒有親力親為，不懂如何運作，最後會變得很尷尬，不是賠個精（清）光，就是想說退款都說不出口，寢食難安」。JJ之後續說當自己「落疊」與友人開公司後，對方消失不見，「你卻交著高昂的管理費，又沒有業務，想注銷都很難，各種原因阻撓。」JJ又提醒自己「不要總死要面子活受罪，什麼都不好意思，人家卻對你什麼都好意思。」但卻坦言非常難做到。最後JJ總結以上種種，認為買嘢令自己開心係最緊要，並笑言「錢不花在自己身上，可能又不見了」 。