傳林家棟任無綫高層頂替曾志偉 汪明荃：我唔知佢有邊方面嘅長處
撰文：吳子生
出版：更新：
汪明荃（Liza姐）和前香港天文台台長林超英今日（11/10）現身科學園出席活動。近日有傳影帝林家棟將會回巢接替曾志偉出任高層，統領無綫製作部，主攻製作本土劇集，而且有指他近日有所動作在電影及電視圈招募人才，Liza姐在接受《香港01》訪問時表示：「其實我又唔清楚佢係唔係會返嚟，好似係未經證實。（傳林家棟返嚟曾志偉唔做？）我唔知道，因為未有官方嘅公布，咁所以我唔會信囉。（林家棟回巢會唔會係一件好事？）我都唔知道佢有邊方面嘅長處，咁所以我係好難去評論。」
汪明荃表示不清楚林家棟有什麼長處。（陳順禎攝）
被問到會否仿效林超英以節約能源堅持不開冷氣？Liza姐表示：「我就怕熱嘅，咁所以我冷氣係會開囉，但我又知道有啲朋友係好環保，佢哋係會盡量唔開冷氣，只係會開風扇，為環保出一分力。」
汪明荃今日現身科學園出席活動。（陳順禎攝）