鍾培生拳賽｜鄧月平為劉馬車打氣小心保護個頭：留返創意喺寫歌度
撰文：吳子生
出版：更新：
鄧月平今日（11/10）帶同愛犬拉布拉多現身觀塘為港台電視節目《Pet Pet搞邊科》錄影。鄧月平透露早前帶同愛犬上山散步期間，差點發生意外：「嗰日行行吓山，突然有一群野狗衝出，不斷係咁向住我同我隻狗狂吠，嗰一刻我同自己講千祈唔好驚，要保持冷靜，於是我就好冷靜咁望住班野狗，然後慢慢咁拖住我隻狗後退，就係咁我先能夠成功脫險，真係有驚無險。」
鄧月平今日為港台電視節目錄影。（陳順禎攝）
好彩最後人同狗都有驚無險。（陳順禎攝）
提到劉馬車參加鍾培生所舉辦的拳賽，準備上擂台迎戰龍心，被問到會否為他隔空打氣？鄧月平表現得不知所措說：「我就希望霍哥小心啲啦！（佢唔係同霍哥打，劉馬車係同龍心對決！）精彩！小心保護個頭囉，同埋留返啲創意喺寫歌度。其實我真係同佢唔係太熟，咁所以唔回應。（佢成日拍片話畀人欺凌！）咁你關心吓佢囉，（你聽到佢個名你毛管戙？）咁又唔係，係因為覺得唔係咁熟，咁所以唔方便評論咁多。（佢話同你好熟！）抽水嘅嘢我就唔評論啦，而我覺得都係做好自己。（佢預你去睇，你會唔會去？）嚟近我應該都係喺工作之中度過，而我知霍哥佢都有參加，變咗之後我可能會睇返網上嘅重播，咁我希望霍哥佢加油。」
鄧月平希望劉馬車上擂台比賽時，要好好保護頭部，避免受傷影響歌曲創作。（陳順禎攝）