李靜儀Heidi親身演繹性感內衣　大曬白滑長腿：呢套算係保守

李靜儀（Heidi）今日（19/10）現身中環出席著名品牌內衣活動。並親身演繹最新系列華麗性感內衣。她受訪時表示：「其實今日呢套嘅內衣又唔係話好性感，相比之前我出海都着過3點式，呢套算係好保守。（有儲性感內衣？）咁又冇話特登儲嘅，因為我覺得內衣又唔會為咗另一半而去準備。有時候，我覺得哋女仔都可以為自己着得靚靚而開心。（有冇收過男仔送嘅性感內衣？）係有收過嘅，都係一啲好可愛嘅內衣。（喜歡咩類型內衣？）自己比較喜歡可愛型嘅內衣，而喺適當嘅時候都可以性感啲嘅。」

此外，早前李靜儀出席巴黎時裝周，不幸染病：「諗住懷着一股興奮嘅心情出發，點知一到步我就病咗，搞到喉嚨痛周身唔舒服，我係要即刻係咁食藥同飲涼茶，控製住個病情，唔好畀佢惡化落去，好彩最終都冇發咗出嚟。（此行有冇艷遇？））識咗一位22歲日本藉嘅男仔，佢都係嚟睇騷，佢全程都好照顧我同好有風度。事後大家都有交換IG。（會唔會有發展機會？）我比較鍾意同一個文化嘅男仔，咁所以首選係香港嘅男仔，但我就唔介意小鮮肉，不過始終都係要講緣份。」