李佳芯由大角咀搬去貝沙灣 豪言人工負擔得起

黎諾懿和李佳芯(Ali)今日（20/10）現身將軍澳電視城出席無綫節目《隨懿深度行》記者會。諾懿受訪時表示：「其實今次我做主持，分別帶住4位女神去到馬來西亞唔同嘅地方，用咁多精力去招呼佢哋，雖然辛苦，但我都Ok嘅。咁所以完咗成個旅程之後，我就病咗十幾日，最好笑就係一拍完黃翠如最後個鏡頭，我就即刻失咗聲。其實今次我哋係拍咗成12集咁多，當中有8集係馬來西亞版，咁所以真係好多謝佢哋幾位嘉賓幫我完成晒咁多集。」

此外，黎諾懿就大爆Ali有奶茶艷遇，指有神秘粉絲為Ali送上飲品。Ali笑言：「其實到而家我都唔知嗰位粉絲係男定係女，佢係冇現過身，佢只係拜託其他人車過嚟我哋拍嘢嘅地方，仲預埋其他工作人員，佢真係好有心，同埋寫咗好多鼓勵我嘅說話，令到我覺得好窩心，咁所以我就要更加努力拍更多好嘅作品去報答佢哋。」
而今日有報導指李佳芯最近搬屋，由由大角咀搬去貝沙灣証明越撈越掂，她回應傳媒時亦表示自己能力負擔得到。