蔡卓妍（阿Sa）日前由地返港為「Sa爸」蔡就勝（Wilson）慶生，部分場內影片於網上流出，只見生日會除由林盛斌（Bob）做主持外，農夫嘅陸永（陸永權）同C君（鄭詩君）亦是座上客。

席間阿Sa同Sa爸一齊唱譚詠麟嘅《愛情陷阱》，期間更有old school舞步配合 ，情緒高漲嘅阿Sa仲跳到連黑色打底褲都露埋出嚟。之後阿Sa又與友人一齊唱高陳慧嫻嘅《跳舞街》，完全係懷舊金曲之夜一樣。

阿Sa今年8月被承認與富三代「百億麻將館太子爺」石恆聰（Anthony）六年情告終，Fans如今見到佢跳跳紮為Sa爸慶生，都為佢走出情傷而感到高興。