雯雯暗示想請工人惹熱議　張致恒曾指：請工人解決問題就唔會咁窮

Steven張致恒與太太區燕雯，結婚以來三不五時就有新聞，財政陷困境不時鬧婚變，但又四年抱四細仔天樂剛出世不久，兩夫婦開始落力搵奶粉錢，除了重施故技開收費IG帳戶招會員之外，又開youtube頻道玩問答。雯雯10月23日晚在IG STORY發問引來網民熱議。

雯雯與Steven近2年曾多次搬屋，曾有請工人幫忙，現時一家六口加3隻狗、2隻龜，之前Steven表示待太太坐完月再返工。未知是否開支太大雯雯想重投工作幫補，10月23日晚她在IG STORY發文問：「有冇人有相熟嘅僱傭公司？」疑想請工人。

其實之前在YOUTUBE片中，Steven已透露過想請工人：「有諗大家一齊出去做嘢，但而家狀況實在唔容許我哋請工人，所以我哋都好努力拚搏緊，希望可以請個工人，解決我哋嘅問題，嚟緊嘅日子編排會好啲，咁就唔會咁窮。」請工人除了每個月薪金，還有中介公司費用起碼五位數，網民熱議他們財政狀況是否足以支付。