法證先鋒6｜黃宗澤難忘蔡潔露背一幕 激讚：直頭係套劇嘅靈魂
撰文：吳子生
出版：更新：
黃宗澤（Bosco）和蔡潔今日（25/10）現身深圳出席無綫新劇《法證先鋒6倖存者的救贖》開鏡拜神儀式。Bosco受訪時表示：「其實我同蔡潔真係合作無間，如果你問我合作過幾多次就真係唔記得，不過我同佢就真係好好感情，私底下成日都會出嚟見面食飯。（套劇你孭重飛，片酬有冇加？）哈哈，冇，反而係為咗蔡潔嘅性演出，我係減咗。上次佢嗰幕露背，簡直係經典，直頭係套劇嘅靈魂，反而我就覺得佢先係孭重飛嗰個。」
袁偉豪、蔡潔和黃宗澤再度合作。（陳順禎攝）
蔡潔接着笑說：「其實諗返起嗰幕真係好驚險，同埋好恐怖。因為我自己就唔會注意自己嘅背脊，但係都開心，大家鍾意我嘅背脊。」Bosco續說：「據聞上次《法證5》最高收視同埋點擊率就係嗰一幕，所以我就同監製講，集集都要拍呢一幕，哈哈！」蔡潔反駁說：「我一個人係唔夠嘅，要除就3個一齊除，包括埋阿Ben（袁偉豪），咁先夠吸引，相信到時收視會勁爆。」
同劇演員一齊拜神。（陳順禎攝）