八、九十年代港產片著名配角曹查理，近年定居四川南充，今午與羅家英、曹查理、盧覓雪、「Ben Sir」歐陽偉豪今日出席《社內相親》記者會時，曹查理提到近日有意搵葉子楣拍戲，但當與對方見面時卻感到十分意外。「我呢幾日搵佢出嚟，但同我當初識嘅已經係兩個人，頸以下全部一樣，頸以上全部唔一樣。（開心定失望？）失望到不得了，我仲想搵佢拍電影，我之前一直同佢電話聯絡，之後佢send 嘢俾我睇，一睇真係嚇一驚，點解好似我外甥女咁。」

曹查理近年移居內地，難得返港拍劇，他表示原先有3至5日戲份，但返港後才被告知只得一日戲份。「佢話我貴，所以只可以拍一日，咁一日點拍？由日抖拍到晚上12點，哇，你老x。但我人都返到嚟，可以點？我拎成喼衫去公司試，佢問有衫俾我著，我話我大把西裝，唔著佢嗰啲。」曹查理解釋不嬲拍戲都會以私伙上陣，原因是對方如果之後再補拍的話，只能搵他，又笑謂「搵食艱難」。