Lolly Talk專注演唱會綵排唔恨拎獎 大賣關子：嘉賓係紅館級數
撰文：張祖銘
出版：更新：
女團Lolly Talk今日（14日）現身尖沙咀出席聖誕活動揭幕活動，現場吸引過百名波板糖(粉絲名）圍觀，相當熱鬧，而各位成員分別分享自己的星座運程，以及聖誕節計劃節目！距離月底九展舉行的首次演唱會倒數14天，Lolly Talk接受訪問表示：「呢排我哋都係忙緊籌備演唱會，今日係我哋演唱會之前最後一個公開活動，見到佢哋我哋有好多能量。」她們繼續指結束這場活動後，晚上要馬不停蹄繼續綵排！
女團Lolly Talk今日（14日）現身尖沙咀出席聖誕活動揭幕活動，現場吸引過百名波板糖(粉絲名）圍觀。（陳順幀攝）
講到這次演唱會有什麼嘉賓，她們大賣關子表示：「今次我哋邀請嘅嘉賓係紅館嘅嘉賓級數，至於係邊一個就要到時大家睇騷先知。」提到聖誕節將近，公司會否給予大假，她們坦言：「唔清楚，大家都好Focus係個演唱會度，11月30號打後嘅日子我哋都唔知道。」
Lolly Talk結束活動後，繼續專注綵排演唱會。（陳順幀攝）
被問到叱咤頒獎典禮現進行投票階段，最希望奪得哪一個獎項時，她們異口同聲回應：「我哋太專注係演唱會，所以都冇話想攞乜嘢獎，見到有好多波板糖（粉絲名）投咗票，我哋好開心係佢哋最愛嘅歌手，見到Fans呢一啲舉動更加感動！」
Lolly Talk感謝波板糖（粉絲名）投票叱咤最喜愛歌手。（陳順幀攝）