TVB近期經常請外援幫手拍劇，除了是已離巢的藝員外，唔計亞視永恆，亦有邀請鮮有在TVB出現的演員。早前《溏心風暴3》搵到踏足電影圈多年的苗可秀；接著7月呢，金牌監製王心慰將會開新劇《逆緣》，找來憑《烈火青春》成名、在80年代紅極一時、過往被公認為香港影壇最有氣質的女演員之一的夏文汐，在新劇中參與一角。《逆緣》是夏文汐退出娛樂圈後，繼ViuTV《瑪嘉烈與大衛 前度》後，第二套香港電視劇作品，亦是她首次入TVB拍劇。

《香港01》問到TVB監製王心慰，她確認夏文汐將會參與《逆緣》：「寫故事喺網上做Research，見到好多女藝人嘅資料，咁啱見到佢覺得幾合適喎，就聯絡一下佢。」夏文汐與富商黃冠博結婚後，一直在上海定居，近幾年有空檔才出席香港活動，監製王心慰知悉此事，透露洽談過程順利：「邀請佢嘅時候，佢咁啱喺香港，然後傾角色，就講一個息影嘅女明星，然後從商。佢聽完覺得個角色好fit自己，所以就應承咗。」夏文汐早前都在微博開心share這個消息，還預想自己的劇集造型，帶住墨鏡擔住口煙，風韻味甚濃。據知夏文汐將會與黎諾懿、林夏薇有對手戲，同時《逆緣》是王心慰為黎耀祥度身訂造的劇，鐵膽做男一。

夏文汐過往演出比較激烈大膽。就似她在1982年的成名作《烈火青春》，與湯鎮業在電車上敦倫一幕最讓觀眾震撼。其後1984年與萬梓良拍攝三級片《唐朝豪放女》，更加大膽有超性感演出，因此聲名大躁。問到監製王心慰，到時夏文汐會否有大膽激烈演出？她說：「佢思想上會比較大膽同開放囉，始終夏文汐本身都係鬼妹仔性格。佢係劇度性格都比較勇敢，同一般人的觀念不同。」夏文汐與黎諾懿最多對手戲......莫非兩人在劇中發展姊弟戀？

《香港01》訪問過夏文汐的劇中對手黎諾懿，他表示正忙於拍攝《燦爛的外母》，初步得知會參與《逆緣》，但未有詳情。他對夏文汐的印象，說：「電影好老實講冇睇過，但都聽過佢嘅事，知道佢有個稱號叫「元祖女神」，仲拍過一套戲叫《唐朝豪放女》，不過而家都未見過佢真人。」提到夏文汐在劇中性格比較大膽，對手戲又多，如果有可能要拍激情戲會點呢？「咁都係劇情需要，好似之前賤han咁，都會性格係咁先照住做。我做戲其實冇咩底線，只要唔會特意賣弄就得。」