龔嘉欣內地拍劇不忘生意 黎諾懿望將美食遍及各區

龔嘉欣、黎諾懿二今日出席新店開幕，龔嘉欣正身在內地為主演新劇《企業強人》開工的龔嘉欣，專誠由內地返港擔任開幕嘉賓，她說：「好感激我嘅生意團隊，因為團隊知我下半年要返內地拍劇，佢哋好好，幫我睇住間舖，我透過電話同佢哋聯繫，了解生產、營運等，有佢哋先可以咁順暢搞掂。」做生意跟拍劇，龔嘉欣認為相輔相成，特別在《企業強人》中，她飾演由一個小小的快遞員最後成為女強人，角色令她有投入感，她表示：「做生意嘅範疇，我係初哥，好多都係學習階段，而拍劇係我喜歡的工作，覺得兩者絕對可兼並，而且可以互相幫助。」

黎諾懿綜藝節目望添食

集團「創意大使」黎諾懿，表示秉承集團致力為廣大美食愛好者提供高質素用餐體驗的理念，希望將美食帶到各區，集團會繼續開設分店。而提到近期主持的綜藝節目《隨懿深度行》贏得口碑，黎諾懿坦言希望可以繼續與不同好友出埠拍攝續集，見識各地文化，他說：「嚟緊自己都係以綜藝為主，因為身兼多職，但拍劇時間比較長，所以先主打綜藝節目，不過遇到好劇本或角色都會考慮。」