網民揞名爆TVB藝人讚袁文傑　暗彈「短腳蝦伉儷、痰+池」身份成謎

到底藝人在幕前的形象，是表裡如一還是一切只是演技？有從事幕後多年的網民於網上分享TVB藝人私下一面，點名大讚袁文傑真人超NICE，袁文傑亦有轉發留言致謝。

曾在娛樂圈工作多年的網民留言指：「其實大台嘅artist好多都好nice，佢哋都係打份工冇需要扮晒嘢，除咗陳豪、馬明、煒哥、阿佘、歐瑞偉好nice。X嗰啲就費事講啦，甚麼007、短腳蝦伉儷、痰+池、老千嘩、周街鱷呢啲，不提也罷」更特別點名大讚洪永城及袁文傑：「𠎀哥真人高大靚仔，好好傾，佢又係唱片友，佢甚麼音樂都聽，佢聽嘢好勁，識好多唔同類型嘅音樂，佢同我一樣，都係阿仙奴fans，同佢吹水，真係可以吹足一晚。」

袁文傑轉發留言：「我沒有飛黃騰達，亦沒有大紅大紫過，但一直下來，總算累積到不少知音，能夠在空氣中、網絡世界，同憂同喜，我想，這樣子能夠繼續走下去…我自求我道！*多謝post內各位的留言，雖然並非全都提到自己，但對自己來說，已是不能要求更多之鼓勵，感激！多謝！😊🙏🏻」亦有網民留言估未有開名的「007、短腳蝦伉儷」真實身份到底是那位藝人。