TVB台慶｜江嘉敏短裙出席 非常有自信：可以脫離時裝車禍嘅稱呼
撰文：張祖銘
出版：更新：
江嘉敏（Kaman）以全白色短裙現身將軍澳電視城出席《萬千星輝賀台慶》。Kaman接受《香港01》訪問表示：「我係從來都未試過着短裙，所以今年就挑戰下着短裙，今年選擇嘅款式都比較簡單。」她繼續指平時比較少這樣的打扮，並表示：「我啱啱都有拎起嚟行，費事出洋相。我唔想自己仆親，同埋請到隔離嘅同事。」
TVB小花江嘉敏（Kaman）以全白色短裙現身將軍澳電視城出席《萬千星輝賀台慶》。（葉志明攝）
被問到對於今次服裝對自己的評分，她表示：「吓自己比自己打分，我覺得可以脫離時裝車禍嘅稱呼。」講到是否有信心能夠抽到台慶大獎，她笑說：「我由細到大都冇乜嘢嘅抽獎運，如果抽倒梗係開心啦！今年都幾得意嘅可以將個名放落唔同嘅箱度，可以揀同同事share或者劇組share，如果中咗獎都好想開心咁分比大家！」
江嘉敏表示從來未着過短裙。（葉志明攝
提到這次所佩戴的頸鏈，她表示：「係周大福贊助，借到呢一套都好開心。」至於會否有收藏珠寶的習慣，她表示：「珠寶我都鍾意珠寶嘅，但如果我自己買都係買基本款多啲，如果係咁大分嘅通常都係台慶同埋頒獎典禮先會搵贊助！」