新聞女王｜何依婷與馬國明激吻 未婚夫有否呷醋：佢有呢個氣量
撰文：吳子生
出版：更新：
何依婷（Regina）今日（27/11）現身中環出席頒獎禮。提到早前獲圈外男友求婚成功，即將成為人妻。何依婷受訪時表示：「其實婚禮都差不多準備好晒，而今次舉行嘅婚禮嘅地方會喺海外，日期定咗喺12月尾舉行。賓客人數方面相對會比較少，主要都係雙方嘅親戚，同埋最親密嘅朋友。而姊妹團當中會有幾位圈中嘅好朋友嚟做姊妹。」
何依婷透露12尾將在海外舉行婚禮。（陳順禎攝）
被問到在無綫熱播劇集《新聞女王》與馬國明激吻，未婚夫會否呷醋？何依婷笑言：「其實最近我好忙，係忙到見唔到佢，咁所以我都唔知佢有冇睇，同埋會有咩反應。不過我相信揀得佢做我老公，佢係有呢個氣量。（婚後會否減少拍親熱氣？）其實由頭到尾我都係睇劇本嘅，就例如如果嗰場親熱戲對劇情係必需嘅，我覺係無可厚非。（拍親熱戲前會否徵求老公意見？）我好多嘢都會問過佢先，拍《新聞女王》嘅時候，劇本佢係睇晒㗎。」
何依婷今日出席活動。（陳順禎攝）