周吉佩同愛妻黃彥欣慶祝結婚9周年 許下承諾送鑽石戒指：要完成佢
撰文：吳子生
出版：更新：
周吉佩（吉吉）今晚（1/12）現身中環出席藝術展活動。日前周吉佩與愛妻黃彥欣慶祝結婚九周年，二人漫步沙灘甜蜜浪漫。吉吉受訪時表示：「嗰日其實都幾漫步人生，因為我哋係冇目標咁去行街，純粹係知夜晚食餐飯，當日就係咁漫遊，行行吓街就走咗入戲院度睇戲，點知一開場，成個戲院係冇人，得我哋兩個，成個感覺就好似包場咁，感覺好正，而最難得係可以放低小朋友，然之後兩個人就好似拍拖咁，可以話近呢十年我哋係未試過。」
吉吉日前和愛妻黃彥欣慶祝結婚9周年紀念日。（葉志明攝）
被問到送咩禮物畀太太？吉吉表示：「今次冇送禮物，但就送咗個香吻畀佢。不過我應承佢，當我有能力嘅時候，我會買一隻鑽石戒指畀佢，因為之前我哋結婚嘅時候年紀細，經濟又唔係咁好，所以當時嘅結婚戒指唔係話咁好，變咗我想再買一隻靚啲嘅戒指畀佢去完成佢。」
周吉佩今晚出席藝術展活動。（葉志明攝）