蔡嘉欣唔拋花球俾鍾晴 無造人壓力下月拋夫去滑雪
撰文：鄺鈺瑩
出版：更新：
前落選港姐蔡嘉欣（Kayan）今日（3/12）與拍拖7年嘅富貴男友Derek喺深灣遊艇會舉行婚禮。一對新人會見傳媒時，Derek似乎甚為緊張，蔡嘉欣表示老公十分怕羞。
蔡嘉欣表示因為無請wedding planner ，所以非常大壓力。（陳順禎攝）
整個婚禮花費近7位數，戒指目測約4卡。（陳順禎攝）
講到今日感動位，蔡嘉欣話一見老公著褂已十分感動，Derek表示證婚時聽到老婆十分真誠嘅誓言時都忍唔住眼濕濕。至於開門利是，蔡嘉欣透露：「8888，啲姐妹都好nice，啲遊戲係我諗，啲蟲都係炸過先，同埋本身怕佢哋唔肯食，所以要佢哋帶眼罩。」嘉欣透露花球喺佢安排下由姐姐獨得，她笑言一早收到線報姐姐非常想得到，但因為怕佢跑唔過其他姐妹，「所以我要make sure 佢一定拎到。（聽聞鍾晴好想要。）佢咪就係勁敵囉，佢啲馬步好勁，佢每個婚禮都想要。（會唔會介紹啲兄弟俾佢？）一陣會介紹啲單身兄弟，不過好多都已婚。」
一對新人與姊妹團何依婷、陳詩欣及鍾晴、YouTuber Manson、模特兒譚嘉儀（ViVi）與及蔡嘉欣家姐Nicole會見傳媒。（陳順禎攝）
姐妹團大讚Derek係好老公，每次同嘉欣去旅行都會做足準備。（陳順禎攝）
問到怕唔怕今晚會飲醉而影響洞房 ，蔡嘉欣表示已疲態，所以應該唔會飲太多，「會克制。（點都要完成洞房計劃？）睇佢飲得醉唔醉，不過可能我喺度已經瞓著咗。」蔡嘉欣又謂由於十月時才外遊，所以未有度蜜月計劃，但她下月將會拋夫，與姐妹去滑雪。
新娘子又性感，隻鑽戒又閃。（陳順禎攝）
另一套婚紗同樣性感。（陳順禎攝）