前《東張西望》主持潘梓峰丁父憂　承諾爸爸會照顧好媽咪和女兒

前無綫《東張西望》主持潘梓峰，在社交平台宣佈了爸爸離世這個沉痛的消息，字裡行間充滿對爸爸的不捨之情。

潘梓峰分享了一張搭住爸爸膊頭一起前往中環碼頭，準備搭船去坪洲的背面照，並寫道：「記得張相係我放假同你地（哋）去中環搭船入去坪洲行吓、簡單開心，阿媽就鐘（鍾）意乜都影一餐，不過今次又影得幾好。」

他續言：「阿爸成日話天下無不散之筵席，生老病死都係過程，你永遠都係咁堅強同淡定。我應承你既（嘅）野（嘢）我一定會做到同會好好照顧阿媽同阿囡，我哋一家永遠都團結一條心，阿爸你放心去嘆世界。如果有下輩子希望有幸可以同你再做父子，大富大貴我們不需要，有你就可以啦爸🙏🏾🙏🏾🙏🏾我哋一定會再見，永遠懷念你，Love you Dad」。