容祖兒新廣告勁擺Y2K甫士　原來係復刻古巨基千禧年唱片封面

容祖兒（Joey）與代言的電器店一向合作無間，早前她為品牌拍攝最新一輯電視廣告，以熱血追夢為主題。片中Joey飾演一位非凡世一級人馬，配合動漫熱血特效，同觀眾踏上熱血追夢之旅！

廣告講述Joey認識到一位充滿抱負、夢想成為「世一」的年輕人（由阿潮@水野月飾演），但Joey深知過程絕不容易，所以在奮鬥途中，不斷從旁扶助及激勵。Joey亦似乎被廣告劇本所感動，鏡裏鏡外都表現非常熱血，每個動作、每句對白都非常之有幹勁。即使要模擬停留空中的動作畫面，Joey亦絕無手軟，交足力水，單單用雙手支撐着整個人，非常考臂力！Joey還笑笑口說：「可以順便做埋健身！」可見十分專業！

今次廣告宣傳照以最近翻Hit的Y2K風格為藍本，拍攝當日Joey「Pose王」上身，手舞足蹈擺出多個Y2K風pose。拍攝期間，Joey聯想起好友古巨基千禧年代的唱片封面及宣傳照，言道：「呢啲係基仔嘅經典pose嚟架喎！」隨即擺出多個基仔經典唱片封面pose，無論表情、眼神同動作都扮得似模似樣，看來Joey和基仔真是惺惺相惜，相當老友！