Lolly Talk被網民睇好晉組合獎三甲：其實有投我哋票已經好好
撰文：鄺鈺瑩
出版：更新：
Lolly Talk演唱會後，又要準備頒獎禮，今日現身「點粉紅2023」活動。（葉志明攝）
Lolly Talk 今午（10日）出席「點粉紅2023」活動，接受訪港時， 她們表示自演唱會結束後，有休息一兩天，但部分時間用來慶功，所以其實未有好好放假，慶幸係每日可瞓夠6小時。Tania同阿妹仲話明明計劃好狂食慶功，但胃口似乎不及以前：「頭先聽到旦講『點算呀而家食唔到咁多嘢』我覺得好搞笑。」
雖然胃田細咗，但Lolly Talk已進行打邊爐、燒肉、片皮鴨⋯⋯（葉志明攝）
稍微放縱後，Lolly Talk表示要收拾心情迎接頒獎禮，亦要為戰衣而開始keep fit ，提到有網民分析Lolly Talk 今年有機獲姐合銀獎，成績隨時比MIRROR好，Elka表示：「多謝大家支持，但我哋都係平常心、做好自己本份，好多謝大家對我哋期望咁高。其實有投我哋票已經好好，希望我哋之後做嘅音樂係令大家覺得我哋值得支持。」她們又笑言無論最後能否得獎，都會向公司爭取放假去旅行。「機票食宿可以自己俾，想去日本，因為上次去東京做嘢，得兩日時間玩，如果今次爭取到，至少一個星期。」
Jace表示今日演出之餘，亦順勢視察場地。（葉志明攝）
《造星V》享仔今日亦有份演出。（葉志明攝）