獨家｜何依婷與未婚夫出發峇里 為火辣婚禮執三大喼行李
撰文：林得懿
出版：更新：
《新聞女王》令何依婷（Regina）人氣急升，劇集在香港仍然熱播中，何依婷除了忙宣傳外，亦要忙自己的婚禮，今早（13日）何依婷與未婚夫林先生現身機場，提早出發到峇里為周末舉行嘅婚禮進行打點。
何依婷乘坐10點航班，約9時45分才現身機場，check in後匆匆趕往登機。（陳順禎攝）
二人約在9時許推著三大喼行李現身國泰嘅商務櫃位check in，見有記者在場，素顏嘅何依婷即時戴上口罩，又要求唔好影正面。問到心情如何，她表示「還好還好」，又透露昨晚執行李執到好夜，但唔擔心會執漏嘢。「主要都係去渡假，帶泳衣同靚衫去。（火辣婚禮？）係呀，其實婚禮啲嘢都係交晒俾wedding planner ，所以好多嘢都唔做自己搞，自己主要係搞啲衫。」
除咗三大喼行李，何依婷同未婚夫一人一件手提行李，睇嚟真係準備咗好多靚衫。（陳順禎攝）
何依婷亦透露完成婚禮後，未有任何渡蜜月計劃，因為隨即要返香港開工，十分拼搏，而她授訪時，未婚夫一直陪伴在則 ，問到心情如何，他說：「緊張，一世人一次係緊張啲。」
Check in時，二人不時有講有笑。（陳順禎攝）
何依婷未婚夫相當識做，耐心等候老婆接受訪問。（陳順禎攝）
何依婷未婚夫真人比結婚相後生更多，衣著亦年輕。（陳順禎攝）