周海媚去世｜林家棟難忘《大鬧廣昌隆》 合作愉快︰佢成日萬歲
撰文：金秀玲
出版：更新：
周海媚於本月11日離世，消息轟動中港。不少曾與周海媚（海味）合作過的藝人，都出Post表達懷念之情。而《東張+》就播出多段周海媚在TVB的片段，當年她演出《大鬧廣昌隆》而再度爆紅，劇中「小芙蓉」一角是其經典角色之一，她與「大隻廣」林家棟的一段人鬼戀，成為一時佳話。
《東張+》播出周海媚選港姐的片段。（《東張+》）
《大鬧廣昌隆》曾創下45點收視，是無綫經典劇集，周海媚飾演的女鬼小芙蓉深入民心。（網上圖片）
《東張+》訪問了林家棟，並播出他的語音，家棟憶起與周海媚拍攝《大鬧廣昌隆》的點滴，他說：「我覺得海味係一個好開朗嘅人，好開心，嗰時開工成日都萬歲，大家係拉得好近嘅感覺。我諗其實拍《廣昌隆》成個過程都係難忘，畢竟當時拍緊人同鬼嘅關係，同埋佢成日有個笑容喺度，我覺得好可愛，好開心。」
家棟指拍攝《大鬧廣昌隆》時覺得對方很開朗、可愛。（《東張+》）
家棟收到周海媚死訊後亦很不開心。（《東張+》）
不過家棟就透露，自己上一次與周海媚見面已是17年接受黎芷珊《最佳拍檔》訪問，之後就冇聯絡，他說：「都好多年前，大家都好多年冇見，好多回憶返返嚟。我都有問佢喺內地發展、生活點，都係嗰時先知佢好鍾意養寵物。」
家棟上一次與周海媚見面已是17年接受黎芷珊《最佳拍檔》訪問。（《東張+》）
節目上，芷珊、家棟與海味自拍留念。（《東張+》）