朱智賢花三星期決定離巢TVB　與謝東閔未計劃結婚：佢carefree啲

2013年參選港姐入行的朱智賢(Ashley)早前10月宣佈約滿回復自由身。離開工作長達10年的娘家TVB，經歷雪藏一年後，今年終憑劇集《破毒強人》再獲讚賞，事業再露曙光的朱智賢，近日為HOY TV主持綜藝節目《聖誕啦開飯》接受雷霆881商業一台《星光背後》專訪，分享她離巢前只花了三星期便決定跳出舒適圈的心路歷程、亦剖白2020年爆出負面新聞後曾前路茫茫、幸得男友謝東閔鼓勵重新振作的經過。

Ashley在10月約滿TVB後宣佈離巢，她表示：「其實都真係幾突然，因為我一路都冇plan過要離開！」她透露花了三星期考慮離開，「嗰三個星期我每日都瞓得唔好，我個人好迷惘！到最後都係決定試吓，因為年紀都唔細，女仔好唔同！」她承認公司就續約與她溝通多次，「每個人追求唔同，但我有隻長期病患的狗狗，負擔好大。」宣佈離巢後，她表示整個人都變得豁然開朗：「一開始會唔捨得，覺得10年就咁完咗，但又覺得好似展開咗人生嘅另一頁咁！」除了不捨在TVB拍劇外，她在節目上也特別感謝伯樂監制羅永賢(Marco)在18年找她演《白色強人》，對方更不理眾人反對雪中送炭讓她有機會復出幕前，「佢一直係咁俾機會我，令到更加多觀眾喺劇入面認識我！」

2020年爆出負面新聞，面對陷入事業低潮的感受，Ashley說：「當時一片空白、好徬徨，唔知道下一步應該點，覺得成個天跌落嚟咁！」她指出停工第九個月時最難受：「因為有前輩同我講，仲有邊個會用你朱智賢，似真係永不超生！開始好驚好擔心、唔知點算。尤其那一年沒收入，曾考慮過自己是否需要轉行。」停工整整一年後，她藉劇集《愛美麗狂想曲》的宣傳活動復出，她受訪時一度嗚咽：「嗰陣我好感動，係Marco(羅永賢)俾機會我出翻嚟，好多人同佢講唔應該叫我黎，因為會變咗焦點，但佢覺得要幫我，佢真係好偉大！」

在TVB十年，她坦承認識男友謝東閔是在這一行最大得著之一，她亦分享與謝東閔的相識經過：「其實之前冇乜合作過，他參選《巨聲》時，我仍在紐西蘭讀書，亦唔知佢係邊個！純粹係綜藝節目《天與地》開會見過面，之後在宣傳記招認識，之後係因為有共同朋友一齊出去玩先熟絡。」被問到男友最初吸引她注意的地方，她透露指：「因為佢同我一樣都鍾意狗！最搞笑係佢話畀我聽佢隻狗叫『豬豬』，我是呆了，因為我的花名都是叫『朱朱』！好搞笑。」二人因愛狗結緣，她接受對方追求因謝東閔有不少優點，「心地好好、有義氣、個人好真誠，同佢相處好簡單直接！」經歷2020年的感情考驗，她感謝男友一直陪伴及給與鼓勵，令二人感情不減反增，「那一年最初沒工作，是他鼓勵我去行山，叫我唔好再浪費時間下去。之後，我地感情仲昇華咗另一個層次，大家都唔同咗！」最後，問到二人何時計劃結婚及生小朋友，Ashley指：「佢carefree啲，覺得一齊就OK，一張紙唔代表啲咩！」