叱咤2023｜泳兒自知派台歌少 不期望女歌手金獎：今年放慢咗腳步
撰文：吳子生
出版：更新：
泳兒今日（21/12）現身將軍澳電視城出席無綫節目《Home即是識》錄影。提到去年在《叱咤樂壇頒獎典禮》僅輸給鄭欣宜「一個馬鼻」，而只奪得《叱咤樂壇女歌手》「銀獎」，被問到今年能否捲土重來奪取「金獎」寶座時，泳兒在接受《香港01》訪問時表示：「金獎難啲，因為今年競爭都好激烈，不過今年都會好似去年咁，一樣咁激動，因為可以喺台下睇住其他歌手攞獎時，聽佢吔講感言，就算冇得上台，我都同以往一樣咁激動。」
泳兒認為自己今年派台歌數量少，很難奪《叱咤樂壇女歌手》金獎。（葉志明攝）
對於有網民指鄭欣宜神隱大半年，難再冧莊攞《叱咤樂壇女歌手》金獎。泳兒表示：「其實有冇獎攞，我都係平常心去面對。因為我覺得自己今年係放慢咗腳步，到目前為止我只係派咗兩隻歌，而呢個月尾我會派埋今年最後嘅一隻歌，變咗喺派歌上我係放慢咗少少腳步，所以我就唔諗女歌獎喇，喺台下著靚靚，坐喺度欣賞就夠。」