Home即是識｜森美自爆因一件事贏盡外母歡心 成功追老婆到手
撰文：吳子生
出版：更新：
森美和馮盈盈昨晚（21/12）現身將軍澳電視城出席《Home即是識》節目錄影。身為一Home之主的森美，受訪時笑言自己捱得、抹得、砌得，樣樣都得，簡直是十大成功男人典範：「因為我會砌完枱之後，我又會砌櫈，講真我砌嘢都好叻㗎。講開我哋做男人，真係少一個功能都真係爭啲㗎，就好似我以前追我女朋友返嚟嘅時候，佢媽媽鍾意，係因為我上去女朋友屋企換燈，同埋幫佢油咗塊牆，咁當時佢媽咪對我印象非常之好，佢認為可以交個女畀我。咁所以唔係話喺麻雀枱上先搵到好女婿，家居上都可以搵到好女婿，而家呢個老婆就係當時嗰個女朋友嚟。」
黃明德、泳兒、艾妮、許靖韻等一眾英皇歌手為《Home即是識》節目錄影。（葉志明攝）
陳若思、森美、馮盈盈是《HOME即是識》主持。（葉志明攝）
盈盈接着說：「好甜蜜，最後修成正果。家居上嘅嘢，我就冇森美咁叻，咁多功能，但我主要就係喺營養學上。但凡屋企要維修，安裝、電器嘅嘢，我就會交畀我爸爸去處理，而家居清潔方面，我都會負責，因為我都好鍾意乾淨同整齊。」
森美喜歡木工手工藝。（葉志明攝）
森美自爆因為識換燈膽，行外母政策成功！（葉志明攝）
盈盈則不懂得家電維修，平日只負責家居清潔。（葉志明攝）