御用惡人彭皓鋒確診直腸癌 努力試唔同方法治病照常開工
撰文：周云森
出版：更新：
TVB御用惡人現年53歲的彭皓鋒，在10月擔任慈善演唱會《星濟・好聲音慈善音樂會》嘉賓時，在台上自爆確診直腸癌第3期。今日（12月27日）他非常精神地出席「無聲旋律慈善單車日」，表示現時身體沒有大問題，說：「其實一直有檢查血嘅指數都冇乜變化，可能自己有食補充品，所以冇乜變化。要再照先知腫瘤有冇變大、變細。呢個月會再去照，如果變差應該就會做手術，唔差就保持不變。 」
彭皓鋒今日出席慈善活動踩單車。
彭皓鋒說他有在試一些人家說對癌症有效的偏方，「我試咗很多不同偏方，睇下有冇辦法令個廇變細，如果有好嘢會介紹俾大家。」他透露明年1月可能會去新加坡，因當地有治療癌症的新科技可以嘗試。彭皓鋒說由於癌症不能多吃糖份，所以他現時每星期只吃一餐飯，但不會完全戒碳水化合物，像今天他為慈善要由大埔科學院踩單車至大尾篤，需要適當的體力，所以事前也會吃少少碳水化合物。彭皓鋒強調：「我身體ok、冇嘢，開工都得，都有人問過我，現時的拍攝期有成4個月，會否時間太長，佢哋驚我辛苦，雖然我覺得自己負擔到，但又驚萬一要做手術會拖累劇組。」
彭皓鋒說試到有效的治癌偏方會告訴大家。
今天的「無聲旋律慈善單車日」還有郭栢妍和方紹聰擔任活動大使。