萬千星輝2023｜林景程晉級《飛躍》最後十強打定輸數：表現唔理想

林景程今日（27/12）現身將軍澳電視城出席無綫《萬千星輝頒獎典禮2023》「飛躍進步男、女藝員」十強候選人記者會。林景程憑演出《新四十二章經》、《隱形戰隊》及《羅密歐與祝英台》等劇集，成功打入《飛躍男藝員》最後十強。

林景程接受《香港01》訪問時表示，對奪獎沒有太大信心：「今次係我第二年入圍，上年我都已經係平常心，變咗今年比上年更加平常心，好似波平如鏡咁，連一啲漣漪都冇。因為我睇返自己幾套獲提名嘅劇集，覺得自己嘅表現唔係好理想，仍有好多進步嘅空間，而我嘅進步又未必係會去到飛躍，但睇返其他有份入圍嘅候選人，就好似阮浩棕同馬貫東佢哋嘅表現，我覺得佢哋今年非常叻仔，咁所以我都冇諗過今年自己會有提名，咁所以有提名我都已經好開心。」