萬千星輝2023｜陳楨怡打入《飛躍》十強成最強黑馬：估唔到有份
撰文：吳子生
出版：更新：
陳楨怡（Celina）今日（27/12）現身將軍澳電視城出席無綫《萬千星輝頒獎典禮2023》「飛躍進步男、女藝員」十強候選人記者會。Celina憑無綫劇集《廉政狙擊》及《新聞女王》獲提名《飛躍進步女藝員》，更成功打入最後十強。
出席無綫《萬千星輝頒獎典禮2023》「飛躍進步男、女藝員」十強候選人記者會。（吳子生攝）
Celina在首部參與劇集《廉政狙擊》中慘遭吊起性虐，哭到不似人形，演技備受外界讚賞。Celina接受《香港01》訪問時表示：「其實本身我唔係一個好易喊嘅人嚟，係一個好開心嘅人嚟，可能自己有好多唔開心嘅事，埋藏咗喺心底裡面，到拍嗰一刻，我將所有情緒都擺晒落去喊晒出嚟。而當我知道自己有份被提名嘅時候，我係好驚喜，係因為我估唔到自己第一部參與嘅劇集竟然有份。不過自己就冇諗過想贏呢個獎，始終呢套都係我第一套劇，咁所以對我嚟講，自己拍劇嘅經歷尚淺，有提名已經係一個好大嘅鼓勵。」
Celina在首部參與劇集《廉政狙擊》中哭到不似人形，演技備受外界讚賞。（吳子生攝）
Celina今日現身將軍澳電視城出席無綫《萬千星輝頒獎典禮2023》「飛躍進步男、女藝員」十強候選人記者會。（吳子生攝）