張敬軒Po超近鏡靚仔相獲粉絲激讚 Tyson Yoshi竟有此大膽提議
撰文:陳釗
出版:更新:
張敬軒(軒仔)在日前結束的《2023年度叱咤樂壇流行頒獎典禮》中,分別憑歌曲《隱形遊樂場》奪得「至尊歌曲大獎」,以及擊敗賽前大熱尹光,以及3位「鏡仔」姜濤、陳卓賢(Ian)、盧瀚霆(Anson Lo),相隔10年再奪「我最喜愛的男歌手」兩個大獎,成績斐然。
踏入新一年,張敬軒除了推出全新作品《青春告別式》外,出名愛錫粉絲的他,亦宣佈將於1月14日舉行官方歌迷會生日會,逾萬名歌迷免費入場,所有費用由軒仔自資,以答謝歌迷一直以來對他的支持。
現時離生日會舉行日子還有1個多星期時間,向來識玩的軒仔今日(4日)下午在無預警下,分享多張超近拍的高清靚仔相,吊一吊粉絲口胃,他寫上:「Po返星加坡音樂節嘅相先」。此Po一出,隨即引起粉絲騷動和心心眼,紛紛留言:「好靚仔」、「太靚仔」、「想迷死人咩」等等,當然也有粉絲笑軒仔,去年音樂節的相現在才Po:「你時差都幾嚴重」、「佢行緊軒曆」。
然而網民Tyson Yoshi則對軒仔第二張舉起食指的相尤其感興趣,竟大彈提議:「圖二如果係舉中指會好睇好多。」即有軒仔粉絲回覆Tyson Yoshi留言:「你唔準教壞張生!」而此Po也非常厲害,短短一小時,已有過2.6萬個讚,軒仔果然人氣爆燈。