任達華新戲與吳家麗變母子關係 無刻意傳授演技予愛女任晴佳
撰文：鄺鈺瑩
出版：更新：
任達華在新戲《源生罪》中與吳家麗、吳卓羲、張建聲等人合作，今午（7日）眾人齊齊出席首映禮，吳卓羲表示以前一直在TVB拍劇，所以從來都無諗過可以同任達華呢位大前輩合作，今次他在戲中雖然做警察，但十分輕鬆，完全無動作戲，但希望可以再有機會與華哥合作，最好是做敵對的角色，任達華聞言後即時分享其想法：「我做戲院帶位員，佢做賣爆谷，我會睇到唔少故事，從而發現佢原來係殺人犯。」
吳卓羲喺新戲中又做警察，不過佢話無咩動戲中，任達華聽完之後表示十分羨慕。（陳順禎攝）
任達華在戲中與吳家麗有不少對手戲，但他坦言十分難拍：「因為以前成日同佢有眼神接觸，有啲男女關係，但今次佢做我阿媽，我同佢嘅眼神唔知點創作，呢個係難嘅，嗰幾場戲係神級教科書，大家入場時可以靜心去欣賞。」
《源生罪》舉行首映，幾位主角任達華、張建聲、吳卓羲都有出席。（陳順禎攝）
訪問中，任達華不時提到要提攜新人，問到是否包括愛女任晴佳，他說：「順其自然啦，佢做邊樣嘢我都讚成，最緊要自己開心。（有無傳授演技俾佢？）又無，不過我哋成日食飯都會傾、又有唔同嘅眼神，我覺得係一種生活，同埋咁去互相理解係幾好嘅一件事。」