萬千星輝2023｜何沛珈性感低胸裝 講明唔敢「僭建」：要好貼身
撰文：張祖銘
出版：更新：
無綫電視年度壓軸盛事《萬千星輝頒獎典禮2023》將於今日（14日）在澳門上葡京綜合度假村隆重舉行，紅地氈儀式則是下午五點半開始舉行，而儀式未舉行之前已經有大批佘詩曼和炎明熹粉絲舉起燈牌，應援吶喊！
何沛珈今日（14日）出席《萬千星輝頒獎典禮2023》以性感低胸露肚長裙上陣行紅地毯。（陳順禎攝/葉志明攝）
何沛珈身穿性感低胸露肚長裙行紅地毯，她表示訪問表示：「上次大家都話幾靚，所以今次都想揀一件特別啲嘅，原本係想着白色嘅裙，搵咗好耐都搵唔到，呢個星期就決定咗係呢一套。」
被問到這件戰衣是否不能「僭建」，她笑言：「要好貼身先至可以着得落，好彩呢一排食肥咗少少，先可以着得落。」她繼續指自己吃多點，才可以做到性感的效果。
何沛珈自爆為咗着呢一套戰衣，刻意要食嘢增肥，先可以啱身。（陳順禎攝/葉志明攝）
提到緋聞男友阮浩棕是否已經看過戰衣？她說：「啱啱佢喺樓上嘅時候睇到。」講到如果有機會得獎是否會公開戀情，她笑言：「如果攞到獎我哋再答你。」被問到會否擔心戰衣會移位，她說：「都穩陣嘅，我發覺食多少少嘢用個肚嚟頂住更加穩陣，所以頭先都特登食咗啲，本身唔夠膽食嘢。」