萬千星輝2023｜伍富橋首次入圍最佳電視歌曲：我係歌手身份入行
撰文：張祖銘
出版：更新：
無綫電視（TVB）年度壓軸盛事《萬千星輝頒獎典禮2023》今晚（14日）在澳門上葡京綜合度假村隆重舉行。伍富橋憑《和你有些》（劇集《靈戲逼人》主題曲）入圍最佳電視歌曲，他在頒獎典禮開始前接受《香港01》 表示：「紅地氈就唔係第一次參加，不過就係第一次入圍最佳電視歌曲呢個獎項，自己入行都係一個歌手嘅身份入行，有入圍已經係好開心嘅事情，因為始終都係第一次。」他繼續指平常心，並表示：「能夠入圍已經係攞獎。」
伍富橋今日（14日）出席無綫電視年度壓軸盛事《萬千星輝頒獎典禮2023》。（陳順禎攝/葉志明攝）
被問到未來音樂的發展，他說：「嚟緊我都同公司傾緊，嚟緊呢一年會點樣去做，我已經密鑼緊鼓做緊一啲cover，啱啱都擺咗一啲喺社交網站同IG，嚟緊都會有10隻嘅翻唱歌曲，希望一個禮拜或者兩個禮拜會唱一隻。」提到會否出專輯和開演唱會，他坦言：「要睇公司安排，如果做歌手都希望有屬於自己嘅專輯，希望會有啲好嘅作品先做呢樣嘢。」
伍富橋有望完成歌手心願出碟。（陳順禎攝/葉志明攝）
伍富橋透露會翻唱10首歌曲放在社交平台。（陳順禎攝/葉志明攝）