鬼故｜史穎喬親述空姐撞鬼經歷 廁所隱約聽到收音機播戲曲沙沙聲
撰文：林迅景
出版：更新：
TVB劇集《飛常日誌》今晚（26/01）大結局，相信觀眾們睇完《飛常日誌》都對機場運作相當熟悉。日前有潘紹聰節目《恐怖在線》大談空中服務員的靈異經歷，其實《飛常日誌》飾演空姐，現實也曾任職空姐的史穎喬也遇過親身靈異經歷。
鬼故｜空姐遇老公替老婆要多張被 埋位發現只得一個人上機...
史穎喬於《飛常日誌》劇中也是飾演空姐。（IG@clementinesze;）
史穎喬（Clementine）接受《香港01》訪問時說：「我試過有一次疑似撞鬼，其實我都唔sure。有一次長途機，我去廁所嗰陣，度門咪係由右邊向左拉就係鎖。我都覺得kick kick哋，因為用緊嘅時候，個鎖無端端彈開，好彩我就快去完即刻撳住！之後都係同一班機，第二次去廁所嘅時候，無端端聽到公園阿伯啲收音機啲音樂聲，沙沙聲播住啲戲曲，好隱隱約約。」
史穎喬於入行前任職機艙服務員（空姐）。（IG@clementinesze;）
講起公園阿伯就諗起呢個畫面...（網上圖片）
史穎喬當時並沒有為意，以為只是某個乘客等廁所時用手機聽歌，可是當她出來後回想起當時情況，就覺得有些不妥。她說：「但係我出嚟之後，個走廊一個人都冇，廁所係冇人排隊。同埋我諗起，我哋都會叫乘客唔好開音樂，唔可以太噪，會叫乘客戴耳機，所以理論上係唔會有人播音樂周圍走。」