【BigBig 小明星】5歲周筠浩厭世臉跳Kpop 勁舞陳偉霆有接班人

撰文:
最後更新日期:

好有型呀。(影片截圖)

早兩日有位9歲嘅妹妹譚芷昀參加《全美一叮》震住音唱《My Heart Will Go On》震撼大西洋,昨日又再有新血喇!話說TVB播出《Big Big 小明星》天才表演,一班小朋友都唔輸蝕,個個都唱得跳得,不過當中的亮點就是5歲的周浩筠,他一身型仔韓look都算,仲即場大跳Kpop,揈得非常起勁,睇完不禁令一眾大人驚嘆:「究竟我5歲做緊乜!」

+8
+7
+6

chok爆mon呀!(影片截圖)

舞跳得勁係基本,附帶chok爆台風係常識(片段由31分57秒起)。周筠浩小朋友一出場就眼神銳利,唔笑、擺厭世樣係2017年型男指標,佢都做足晒。當評審CAllStar叫小朋友擺一個最有型的pose,周浩筠一起手就對住鏡頭眼超超,再加多個剔字手勢,真心要chok爆觀眾個電視屏幕。這幾下舉手投足遠遠未夠,到最後拉票環節仲邊beatbox邊唱Apple Pen,真係達到創意之顛呀!

這段表演一出,網絡紅人瓊姐隨即就以「迷你GD」稱呼周浩筠小朋友,其他網民就留言表示「舞又跳得唔錯個下先屈機」、「髮型都幾似Tommy(阮民安)」,都有人反而覺得小朋友與當紅大陸小生陳偉霆有幾分相似,覺得小朋友有幾分囂張......不過持平點講句,當頒獎環節時,周浩筠眼見其他小朋友得獎,他都表現得好替他人開心,呢點係值得讚嘅!

畀錢我洗!(Instagram圖片)

周浩筠的父母有幫囝囝開返個ig,原來5歲嘅佢名叫Casper,仲有個歲半妹妹叫Moppy。他們的ig主要分享日常生活點滴,都有不少Casper上堂學跳舞的片段,除了Kpop,他還有跳本地組合Super Girls的《有時發生》,搔首弄姿的嫵媚程度,絕不輸給5個大人。從照片都可以睇得出Casper係一個非常有表演慾嘅人,眼仔碌碌、一頭得意冬菇頭,配合韓星必做的「畀錢我洗」的心心手勢,其實大個咗應該都幾剎食吖!最重要係5歲Casper仲會餵歲半妹妹飲奶,充滿著做暖男的基因!正呀!

好warm呀!(Instagram圖片)

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。