廉政行動｜張曦雯為新劇「借肚」 開一日工隨即又放假
撰文：鄺鈺瑩
出版：更新：
Kelly喺新劇做ICAC專員，她透過角色需要所以唔使有太多表情。（陳順禎攝）
《廉政行動 2024》今午（7日）在將軍澳電視城舉行拜神儀式，張曦雯透露在劇中需要陀B調查案件，但幸好有陳山聰做其「𡃁」。不過由於未做過大婆肚，所以Kelly會做足準備同公司道具部「借肚」，返屋企練習孕婦嘅姿體動作。
張曦雯昨晚才由南非返香港。（陳順禎攝）
早前Kelly 接連放假，先去台灣再去南非出席朋友婚禮，昨晚才落機，問她是否因為接下來要搏殺，她說︰「都希望今年工作係緊密，為咗迎接新一年所以放盡，啲劇好似係一路接落去。所以今日開完工我又放多個假，同屋企人去西班牙，哈哈！盡興地去旅行。呢套劇雖然5集，但都開成半年，因為實景、電影手法拍攝，加上又順拍，呢個對我嚟講都係新嘗試。」
同陳山聰合作。（陳順禎攝）