古巨基大馬開騷被認錯係李克勤 觀眾：我唔知你幾時唱《紅日》
撰文：林得懿
出版：更新：
古巨基早前喺馬來西亞舉行演唱會。（小紅書圖片）
古巨基日前在馬來西亞舉行演唱會，期間佢搵咗一對年約60歲嘅情侶上台，表示想同對方傾偈繼而搵下新歌靈感。男觀眾表示佢同女朋友小學六年級已經認識，但最近喺同學聚會再遇上於是決定喺埋一齊，男觀眾仲同古巨基講：「你都算係我哋嗰個年代，有聽過好多歌。」
結果被錯認成李克勤，場面爆笑。（小紅書圖片）
51歲嘅古巨基又確係男觀眾嗰個年代，但佢聽完之後都呆咗，仲話「我stone咗⋯⋯係呀，我係你哋嗰年代。」之後到女觀眾接力，第一句就係「我唔知你幾時唱《紅日》⋯⋯」睇嚟呢位女觀眾將古巨基當成唱《紅日》嘅李克勤 ⋯⋯古巨基溫提對方自己係「唱《愛與誠》嗰個，得知認錯人之後，女觀眾即時掩面傻笑，好在古巨基都見慣大場面，不停介紹自己嘅勁典歌，最後女觀眾終於諗起《勁歌金曲》。