福祿壽訓練學院｜王祖藍睇過百條片大爆有港姐冠軍參賽：真係好勁

王祖藍今日（21/2）現身電視城出席myTV SUPER Oringinal原創綜藝節目《一條麻甩在東莞》宣傳造勢活動。王祖藍透露《福祿壽訓練學院》下個月尾即將首播，現正密鑼緊鼓非常好玩：「因為當中有好多扮嘢高手真係好厲害，除咗有藝人之外，仲有來自唔同嘅地方嘅素人，個比例係4比6咁，素人佔多數。最勁嘅係有廣州郭富城，又有澳門周慧敏，真係乜都有，到現時為止，我已經睇過百條片，當中佢哋係揀過先畀我睇。不過當中有參賽者係選美冠軍，而相信唔想睇我呢個節目嘅人，總會有人想睇。咁所以今次真係好勁，我哋3個福祿壽真係以後都唔使扮，可以交晒畀佢哋。」