麥玲玲（玲玲姐）今日（22日）出席一個乳酪品牌活動時提到新年時不敢進去賭場，因為怕被人拉著她問「貼士」，但就提到司機有嬴到錢。她亦有說到自己不太喜歡賭博，反而她老公喜歡小賭一下，更笑他比自己更專業。

玲玲姐被問到今年娛樂圈的運程時就指：「論盡㗎！」更指今年不論歌星、主持還是整個娛樂圈或電影圈都會有不少的是非。另外她提到太歲的問題：「因為太歲係姓李啦，叫李誠阿，所以姓李都係犯太歲。龍年啦，有個龍字又犯太歲，所以佢疊住咗兩個犯太歲啊！」玲玲姐又謂既然不夠打便離開一下，沖喜一下。

玲玲姐說覺得李龍基是「痴心情長劍」：「因為依家好少呢個年紀嘅男人仲係咁樣。」更說現今的客人找她都已經不問愛情了，更說欣賞他們的愛情。玲玲姐被問到是否認識王青霞，她就說：「聚會見過囉，佢係熱情嘅，好多時佢會預備好多嘅禮物送畀大家。我收過一啲牌子嘅禮物囉，佢話佢設計，咁都係一份心意嚟。」但就說未收過王青霞親手畫的畫作，但就收過她「設計」的奢侈品牌禮物，更大讚王青霞有心的。