前TVB力捧小生被公司建議自己搵副業：飯都冇得食呀

曾被無綫（TVB）力捧的小生蔡淇俊最近在內地社交平台上載最新短片，以「實不相瞞，當年拍戲唔夠生活、公司都建議我們自己找副業」為題，講到當年「飯都冇得食呀，幾鍾意演戲都係咁話，嗰陣時冇咩明星夢，腳踏實地做嘢搵錢」。

蔡淇俊講到演員做副業的爭議，他認為當然是因為沒錢才做副業，如果長期有戲拍怎會有時間，亦不會想到做副業，他說：「好多時入行十年，要等九年，等入劇組，等通告、等埋位。冇戲又咪要等，冇理由坐喺度乾等，你都要搵錢都要生活，搵返副業做下賺錢，鍾意演戲之餘，都要諗下現實問題。」

蔡淇俊2014年離巢TVB後，北上發展開過米線店、火鍋店，可惜之後執笠。蔡淇俊沒有放棄飲食業，今年被發現在廣州擺檔賣雞腳，早前他一度大呻生意差，多位網友特意到場力撐，更貼出雞腳相以示支持。之後他又回到定居地佛山擺檔、開舖，雖然蔡淇俊一度大呻生意差，直言蝕錢，事業有阻滯，但仍無損他的心情，不時在社交平台分享短片。