樂易玲愛將去MIRROR成員餐廳食飯 唔怕被指倒戈撐隔籬台大方回應
撰文：金秀玲
出版：更新：
曾被樂易玲親自欽點「TVB新6生8旦」的無綫上位小生黃庭鋒日前錄製賀年節目時，就透露自己不小心跣腳仆落樓梯，最終要入醫院縫針，都有少少驚破相。日前（27日）他在IG貼出自己在日式餐廳食拉麵的打卡相，見黃庭鋒下巴仍然貼住膠布，不過無損靚仔樣和心情。
黃庭鋒是樂易玲愛將之一，之前點名的「6生8旦」都有佢份。（資料圖片/胡凱欣攝）
黃庭鋒月初受訪時，下巴已經貼住膠布，他解釋是在友人家中跌倒，更要即時入院縫針，都幾大件事。（資料圖片/張祖銘攝）
不過受傷仍然靚仔！（IG@tingfung0602）
他說自己任何時候都可以食拉麵，更影住店舖的招牌檸檬蜆拉麵相，並標註了餐廳。細心一看，原來這間正是MIRROR成員江𤒹生（AK）與哥哥開設的拉麵店，現時多由兄長打理，但AK仍然有份。《01娛樂》聯絡黃庭鋒，問他會否擔心被指撐隔籬台藝人，他就指不怕，更大方回應：「幫我同佢講，好味！」
黃庭鋒去AK與哥哥開設的拉麵店食飯。（IG@tingfung0602）
黃庭鋒點了招牌之一的檸檬蜆貝拉麵，更表示好味。（IG@tingfung0602）
拉麵店AK都有份，雖然他之前有份開的部分餐廳已結業，但這間拉麵店仍做得住，更口碑不錯。（IG@_kisang_）
AK（左二）都曾在拉麵店落場招呼朋友。（IG圖片）
黃庭鋒不怕被指撐隔籬台藝人，更送多張在拉麵店影的靚相畀我哋。（受訪者提供）