韓國女星金裕貞旋風式襲港 過百粉絲朝聖：希望下次時間可以長啲
撰文：吳子生
出版：更新：
韓國女星金裕貞今日（1/3）現身金鐘出席著名品牌活動，吸引大批粉絲到場支持，場面非常墟冚。金裕貞透過翻譯表示：「自己都好耐冇嚟香港，見到有咁多粉絲到場支持自己，係感到好開心。（今次嚟到香港想做啲咩？）其實今次嚟香港嘅時間比較短，咁所以都未必有機會去第二啲地方觀光，咁但係可能嚟到呢度見到粉絲，覺得今次香港之行已經覺得好滿足，咁好希望下次可以再有機會再嚟香港，明白到今次嚟香港唔係好夠時間，希望下一次可以準備長啲嘅時間嘅活動，令到大家可以同我接觸多啲。」
金裕貞期望下次可以同粉絲近距離接觸。（吳子生攝）
金裕貞今日出席著名品牌活動。（吳子生攝）