網紅葉俙賢（Amber)今日（4/3）以嘉賓身份現身電視城亮相無綫節目《Mayanne 小喇叭》宣傳造勢活動。Amber受訪時表示：「今集我會同其他女嘉賓一齊講吓好身材會有咩煩惱。最令我煩惱嘅係當我肥咗嘅時候，上圍就會跟住豐滿，但當我一瘦嘅時候，上圍又會下垂嘅問題，變咗成日都要Keep住唔可以太肥，又唔可以太瘦。（平時點護理？）我平時都會去搵美容院按胸，按咗真係按咗效果係好咗好多。」

被問到有否被人用猥瑣目光𥄫到實？Amber表示：「我曾經試過有人係咁望住我係咁笑，我就直接問佢係咪識我？而佢就話唔識我，跟住我又會問佢你望咩？好多時啲人俾我咁問法，佢哋都會唔出聲，跟住就唔咁再望。（有冇試過被人抽水？）成日喺地鐵度遇到，試過俾人用手踭批胸，我就會走過去質問佢你做乜嘢。其實不論自己着得性唔性感都好，啲人見你好身材都會埋身抽水。」