陳美濤日前出席「仁美清叙慈善機構」春茗，身穿一條紅色性感晚禮服，一現身便令一眾嘉賓嘩然，陳美濤見大師姐羅霖即上前合照，並大讚羅霖姐姐是最好的典範，永遠美麗高雅大方！當晚她更獲程瑤Donna邀請為大會擔任司儀，陳美濤一上台未開聲已有男士搶先大叫「才貌三全博士司儀」！

陳美濤被問到近況，她表示： 「十二月起簽了經理人小婷Tiffany，大家都知佢在圈中出名chur爆，又鍾意食，同佢一齊開會工作又笑又食，開心自然肥，不過小婷姐話我屬豬，可以肥啲，唔使太瘦，方便傾美容院減肥！佢都鼓勵我多做慈善活動爭取學習機會，佢有好多想法，除咗幫我鋪司儀路，亦有唔同品牌嘅廣告，我之前都有拍ViuTV嘅劇， 同出現喺TVB嘅遊戲節目，好好玩！所以小婷姐亦聯絡唔同嘅電視台傾有冇適合嘅主持比我做，同時間我哋自己構思緊用輕鬆手法表現歷史故事嘅節目，香港人需要一啲開心嘅娛樂，開心食得瞓得最緊要。」