《中年好聲音2》參賽者陳蒨葶今日（6/3）現身將軍澳電視城出席無綫節目《新一集綜藝魂,嚟料！》記者會。提到日前《中年2》林若盈只得80分被淘汰出局，有網民戥她不值，直指要被淘汰的人是她，並留言批她唱到走晒音、舞姿土味十足，似足60年代，惹網上熱議。

陳蒨婷接受《香港01》訪問時表示：「其實我都有留意網民對我嘅舞姿有意見，但我都會繼續做返自己，舞姿嘅嘢唯有日後再進修。（打唔打擊到你？）打擊唔到我嘅，不過聽到係會有啲唔開心，但好多謝佢哋嘅意見，因為明白到總有人喜歡自己又或者唔喜歡自己，咁所以冇可能理到太多，咁所以我覺得做好自己緊要啲。（擔唔擔心網民嘅負評影響評判對你嘅印象？）我知道每一位嘅評判都對我哋每一位嘅參賽者都熟悉，佢哋唔會受網民嘅影響，因為佢哋係專業。」