KOL話的士行業有加價共識、市民捱貴車 KOL或不知已共識冚旗揀客
撰文:湯文亮
出版:更新:
有KOL話,的士行業達成共識,就是起錶價加5元,理由是要有合理收入,才可以提供優質服務,不少人覺得本末倒置,應該首先提供優質服務,才申請加價。不過,的士要加價就好似天要落雨一樣,任何人都阻止不了,至於的士司機的收入是否合理,我相信冇人知道,因為的士仍然要收現金,既然堅持收現金,即是唔想人知道的士司機收入,所以的士司機最好不要以收入合理為理由要求加價,否則,就會被政府要求公開的士司機收入,有可能要減價而非加價。
其實,的士司機已經達成了一個影響香港信譽的共識,就是冚旗揀客,而且有四、五十年咁耐,中間可能因為香港的經濟太差而減少,而近日不但故態復萌,並且變本加厲,至於冚旗揀客原因,就是市民既然可以俾多一倍價錢叫Uber,點解唔可以俾多啲錢的士,所以在繁忙時間一定冚旗揀客,收多五成個客都非常開心,非繁忙時間根本唔出車,費事嘥精神,少了的士司機出車,最後連非繁忙時間都很難截的士,的士司機又可以冚旗揀客。
至於是否讓的士加價,我認為事在必行,而且加幾多都得,只要的士司機答應不冚旗揀客,政府如果咁樣做,的士司機可能會撤回加價申請。
有人怪責政府唔取締Uber,令的士司機收入減少,所以被迫加價,其實,的士司機是不想政府取締Uber,否則沒有比較就沒有傷害,Uber收咁貴,令到搭的士的人非常抵,今次起錶加5元應該不會有反對聲音,但如果沒有Uber,政府會多發的士牌照,反而會影響現有的士司機收入以及車主的身家,香港作為一個國際城市,政府應該管理的士行業陋習,冚旗揀客是絕對禁止,否則就要大量發牌,容許的士公司引入外勞,才可以根治冚旗楝客這個問題。
【財經專欄】湯文亮|紀惠集團行政總裁
免責聲明︰以上內容僅代表作者的個人立場和觀點,不代表香港01的任何立場,香港01亦無法核實上述內容的真實性、準確性和原創性。
另外,以上純屬個人研究分享,並不代表任何第三方機構立場,亦非任何投資建議或勸誘。讀者務請運用個人獨立思考能力自行作出投資決定。
虛幣KOL質疑我比特幣出金做假 但KOL唔知愈流通、貨幣愈值錢KOL話你知全世界股市升、唯獨香港跌 但冇講港經濟優於很多地方移居英國諾丁漢KOL大讚生活環境遠勝香港 但冇講諾丁漢已經破產KOL話99%香港人不會回流、樓市一定大冧 但冇講有一半搵唔到工KOL話你知香港樓市大冧、很多人蝕錢賣樓 但冇講「蝕即是賺」KOL話畀你知有1.1萬宗負資產樓市必冧 但冇講那些負資產屬於何人KOL話你知新加坡乜都好過香港 但唔會話你知7人車香港多好多KOL話難借錢買樓樓價必跌 但冇話業主知借錢難、唔敢賣樓好難跌KOL話畀你知銀行call loan樓市必冧 但冇話畀你知原來是財務公司KOL話比你知美國對香港實施第4級旅遊警告 不會話比你知已經解除KOL唔會話你知 年紀大了很難租到靚樓|湯文亮點解咁多KOL唱淡樓市 「太多人買樓,某些人搵唔到食」|湯文亮KOL會話你知港樓價跌、銀主盤急升 但唔會話畀你知點解|湯文亮