一齊參與由小朋友親自策劃嘅奧海城《Joyful Adventure快樂旅程》

小朋友擁有無限創意，成日都會想像出大人意想不到嘅事物。繼上年聖誕正式成立兒童顧問團Olympian Kids Imagineer，打造咗全港首個由兒童設計嘅活動之後，奧海城Olympian Kids今年暑假再接再厲，誠意邀請咗23位5-10歲小朋友擔任「快樂旅程」兒童顧問團，率先透過一連串創意啟迪會議，小朋友一反傳統擔任策劃者，自主設計同策劃一系列歡樂活動邀請全香港小朋友一齊參與，將自身快樂傳遞開去！

奧海城《快樂旅程》由兩位重量級導師包括世界級氣球裝置設計競賽勝出奪冠嘅Wilson彭思泰同具有國際資歷嘅資深兒童活動策劃顧問Kevin潘錦暉帶領一眾兒童顧問團參與製作，以象徵祝福同希望嘅熱氣球為主要設計元素，打造4大主題區—全港最大熱氣球裝置、DIY熱氣球模擬升空體驗館、笑聲發放挑戰站、由兒童做檔主嘅《童樂市集》，以及《開心驚喜市集》，透過七彩斑斕嘅熱氣球傳遞快樂，以正能量感染大眾！

打卡熱點：近3,000個天然橡膠氣球打造全港最大超夢幻熱氣球裝置

國際比賽冠軍氣球魔術師Wilson彭思泰巧妙地將熱氣球同環保氣球完美融合，以近3,000個天然橡膠氣球堆砌出巨型雲彩，配合大大小小色彩繽紛嘅熱氣球，非常漂亮壯觀，絕對係IG打卡必到景點！

最重要係氣球以天然橡膠樹嘅汁液製造，可以喺大自然中降解，最後回歸自然，靚之餘仲好環保添！

親手設計熱氣球空中飛航 @ 熱氣球模擬升空體驗館

想坐熱氣球升空？雖然暫時未去到土耳其，但可以去奧海城設計專屬熱氣球，再透過3D立體熱氣球光雕投影，將製成品投射喺立體熱氣球上，就可以好似自己坐緊親手設計嘅熱氣球喺天空中遊覽香港著名景點，仲可以將自己設計嘅氣球帶番屋企添呀！

由兒童顧問設計好玩遊戲 @ 笑聲發放挑戰站

喺「笑聲發放挑戰站」，小朋友可以一齊玩由兒童顧問團共同策劃嘅趣味遊戲，贏取豐富禮品，享受眾樂樂時光！現場仲有多個色彩繽紛嘅帳篷同巨型氣球打卡位呀！

小朋友做老闆 @ 童樂市集

童樂市集就由小朋友做老闆，一手包辦策劃、流程、製作，以至即場買賣，大家可以一齊去購物同參加遊戲，支持一眾小檔主！

兒童顧問團化身魔術師雜技表演者傳遞快樂 @ 快樂慈善巡遊

一眾兒童顧問經過一個月密集式訓練，由專業魔術師及香港小丑冠軍小丑Wing Wing親自教授，學習咗多個有趣魔術同雜技表演！佢哋會喺8月14同21日著上有趣氣球服飾，喺奧海城舉行大巡遊，將快樂傳遞，同大家分享糖果、氣球同埋小禮物！

精美個人化氣球禮品換領

奧海城更特別推出個人熱氣球零食禮品套裝，更可以印上自己或朋友嘅名字於氣球上，送俾朋友一定會非常開心！S⁺ REWARDS 會員由8月9日起於手機應用程式用指定點數及加指定金額即可換購！

另外，更推出兒童野餐帳篷，同朋友喺奧海城大草地一起玩樂，S⁺ REWARDS 及Olympian Kids會員於8月9日起於手機憑用程式憑指定點數同積分即可換領。

想參加奧海城《快樂旅程》嘅豐富活動同換領特別禮品？咁就要留意奧海城網頁，一齊開啟夏日繽紛之旅啦：https://bit.ly/2XlyUYj

日期: 2021年8月9日至9月5日

時間: 12nn - 8pm (星期一至五), 12nn - 9pm (星期六、日)

地點: 奧海城2期地下主題中庭

Facebook：https://www.facebook.com/OlympianCity

Website：www.olympiancity.com.hk

資料及相片由客戶提供