陳寶珠到場欣賞粤劇《花木蘭》 譚炳文呻拍劇辛苦：現時主要配音
撰文：溫菁莉
出版：更新：
陳寶珠、譚炳文及祥嫂晚上現身文化中心觀賞粤劇《花木蘭之巾幗英雌耀木蘭》，其中寶珠姐一現身，唔少影迷立刻蜂擁而上，場面非常混亂。近日鄧兆尊接受訪問時大爆母親豪花十八萬買衫，並指自己來自「愛生事家庭」，而晚上祥嫂亦有低調現身，但未有就事件做出回應。
陳寶珠晚上現身文化中心觀賞粤劇《花木蘭之巾幗英雌耀木蘭》。（溫菁莉攝）
久未在螢幕出現嘅譚炳文，83歲嘅佢精神奕奕，其後問到身體情況時，佢就話，「麻麻地喇，行得走得咁，醫生叫我唔好捱夜。」他透露自己最近有為港台拍攝劇集同配音，「TVB拍劇太辛苦喇，但我之前都有客串《溏心風暴3》，同黃宗澤及唐文龍一齊拍。」他仲特別感激劇集監製劉家豪，肯遷就其拍攝時間。其後問到有無探過好友李香琴時，譚炳文表示已經有10個月無搵過對方，「咁佢又唔行得又唔走得，費事煩到佢。」
譚炳文就話係TVB拍劇太辛苦，現時嘅工作以配音為主。（溫菁莉攝）
祥嫂亦有低調現身文化中心，但未有為事件做回應。（溫菁莉攝）